நாட்டில் ஒரு கிலோ மஞ்சள் தூள் 6000 ரூபாவிற்கு விற்பனை செய்யப்படுகிறது

வியாழன், 16 செப்டம்பர், 2021

சந்தைகளில் தற்போது ஒரு கிலோ மஞ்சள் தூள் 6000 ரூபாவிற்கு விற்பனை செய்யப்படுவதாக நுகர்வோர் உரிமைகள் பாதுகாப்புக்கான தேசிய இயக்கம் தெரிவித்துள்ளது.
இதனால் நுகர்வோர் தற்போது பெரும் அவல நிலையை எதிர்நோக்கியுள்ளதாக அந்த அமைப்பின் தலைவர் ரஞ்சித் விதானகே 
தெரிவித்துள்ளார்.
தொடர்ந்தும் கருத்து வெளியிட்ட அவர், “மக்கள் 50 மற்றும் 100 கிராமில் மஞ்சள் தூளை வாங்குகிறார்கள், அதன்படி அவர்கள் சுமார் 100 முதல் 600 ரூபாய் வரை செலவழிக்க வேண்டியுள்ளது.
சில நிறுவனங்கள் 20 கிராம் மஞ்சள் தூளை சுமார் 170 ரூபாவிற்கு விற்பனை செய்கின்றனர். இந்நிலையில், அரசு இதில் கவனம் செலுத்தி மக்களுக்கு குறைந்த விலையில் மஞ்சள் தூளை வழங்கு திட்டத்தை வகுக்க வேண்டும்” என அவர் கோரியுள்ளார்.

நிலாவரை.கொம் செய்திகள் >>>



0 கருத்துகள்:

கருத்துரையிடுக